मलकापुर:- मलकापूर तालुक्यातील रणथम -तिघ्रा रस्त्याची दुरावस्था झाल्याने या मार्गावरील मलकापूर व मुक्ताईनगर या दोन्ही आगाराच्या बसेस बंद असल्याने मलकापूर देवधाबा मार्गे तिघ्रा हि नविन बसफेरी सुरू करण्याची मागणी शिवसेना (उबाठा) च्या पदाधिकाऱ्यांनी आगार व्यवस्थापक मुकुंद नाव्हकर यांच्याकडे केली आहे.
निवेदनात नमूद केले आहे की मलकापूर देवधाबा मार्गे तिघ्रा अशी बस मलकापूर, मुक्ताईनगर आगातून सुटत नाही,या मार्गावर बस येत नसल्याने अपंग, ज्येष्ठ नागरिक,महिला, विद्यार्थी व शेतकऱ्यांना मलकापूर येथे तहसील, पंचायत समिती, शासकीय, शैक्षणिक कामांसाठी यावे लागते तरी मलकापूर देवधाबा मार्गे तिघ्रा बसफेरी सुरू करण्यात यावी अशी मागणी शिवसेना (उबाठा) च्या वतीने आज दि.21 ऑगस्ट 25 रोजी निवेदनाद्वारे करण्यात आली आहे.निवेदनावर शिवसेना उपजिल्हाप्रमुख गजानन ठोसर, विधानसभा राजेशसिंग राजपूत, शहर प्रमुख हरीदास गणबास,कामगार सेना तालुकाप्रमुख राम थोरबोले,किसानसेना तालुकाप्रमुख महादेव पवार, किसान सेना शहरप्रमुख सै.वसिम सै.रहीम,शे.मोसिन शे.छोटू,जावेदखान, विभाग प्रमुख चांद चव्हाण,मो.ईकबाल, सत्तार शाह,किशोर राऊत, संजय कातव सह शिवसेना पदाधिकाऱ्याच्या स्वाक्षऱ्या नमूद आहे.