अशिरा इंग्लिश स्कूल अँड ज्युनिअर कॉलेज काळेगाव येथे गुरुपौर्णिमा निमित्त संस्कारमय वातावरणात गुरूवंदना कार्यक्रम संपन्न
गुरुपौर्णिमा उत्सव अत्यंत भक्तिमय, प्रेरणादायी आणि उत्साहपूर्ण वातावरणात साजरा करण्यात आला. भारतीय संस्कृतीत गुरूला ब्रह्मा, विष्णू आणि महेश यांच्याइतकेच सर्वोच्च स्थान असल्याची भावना जपत विद्यार्थ्यांनी आपल्या गुरूजनांप्रती कृतज्ञता व्यक्त केली.
कार्यक्रमाची सुरुवात व्यासपूजन, दीपप्रज्वलन आणि सरस्वती पूजनाने झाली. त्यानंतर विद्यार्थ्यांनी गुरूवंदना गीत, भाषणे, कविता, भक्तिगीते तसेच विविध सांस्कृतिक सादरीकरणांद्वारे गुरूंचे जीवनातील अनन्यसाधारण महत्त्व अधोरेखित केले. विद्यार्थ्यांच्या प्रभावी सादरीकरणाला उपस्थितांनी उत्स्फूर्त दाद दिली.यावेळी शाळेतील सर्व शिक्षकांचा पुष्पगुच्छ व पुष्पहार अर्पण करून सन्मान करण्यात आला. शिक्षकांनी विद्यार्थ्यांना ज्ञान, संस्कार, शिस्त, प्रामाणिकपणा आणि चारित्र्यनिर्मितीत गुरूंची भूमिका स्पष्ट करत जीवनात नेहमी गुरूंचा आदर करण्याचा संदेश दिला. "गुरू म्हणजे केवळ शिक्षण देणारी व्यक्ती नसून विद्यार्थ्यांच्या व्यक्तिमत्त्वाला योग्य दिशा देणारा मार्गदर्शक असतो," असे विचार यावेळी व्यक्त करण्यात आले.कार्यक्रमाच्या निमित्ताने विद्यार्थ्यांनी आपल्या गुरूंच्या चरणी कृतज्ञता व्यक्त करत आदर्श विद्यार्थी बनण्याचा संकल्प केला. संपूर्ण परिसर गुरूभक्तीच्या वातावरणाने भारावून गेला होता.कार्यक्रमाचे नियोजन व यशस्वी आयोजन शिक्षकांच्या मार्गदर्शनाखाली करण्यात आले. गुरुपौर्णिमेच्या या संस्कारमय उपक्रमामुळे विद्यार्थ्यांच्या मनात गुरूंबद्दल आदर, श्रद्धा आणि कृतज्ञतेची भावना अधिक दृढ झाली.या वेळेस संस्थापक अध्यक्ष प्रा.डॉ.अनिल अमलकार शाळेचे मुख्याध्यापक निलेश घाटे,अरविंद खंडारे,अशोक बोदडे, अमोल इंगळे,सुभाष सोनोने, प्रशांत टिकार, पुजा घ्यार, दुर्गा पारधी,साक्षी फासे,अंजली कवळे, जया बुजाडे, निकिता बोचरे , वैष्णवी बोचरे, प्राची वाकुडकर, शुभांगी जसनपुरे ,रोशनी शेजोळ, रंजना ससाणे तसेच कर्मचारी गोपाल तायडे,विजय भगत ,मोहन चोपडे,दिलीप चोपडे या वेळेस उपस्थित होते.
