इक़रा एज्युकेशन सोसायटी संचलित अब्दुलमजीद सालार इक़रा हायस्कूल, बोरनार येथे दर्जेदार शैक्षणिक वातावरणाला प्रोत्साहन देत महान गणितज्ञ श्रीनिवास रामानुजन यांच्या जयंतीनिमित्त गणितीय मॉडेल्सचे प्रदर्शन आयोजित करण्यात आले. ही संपूर्ण कार्यक्रमाची अंमलबजावणी शाळेचे प्रभारी मुख्याध्यापक आरिफ मोहम्मद खान यांच्या मार्गदर्शनाखाली पार पडली.
श्रीनिवास रामानुजन यांची जयंती देशभरात राष्ट्रीय गणित दिन म्हणून साजरी केली जाते. भारत सरकारने २२ डिसेंबर हा दिवस राष्ट्रीय गणित दिन म्हणून जाहीर केल्यापासून दरवर्षी विविध शैक्षणिक संस्थांमध्ये गणित विषयाची गोडी वाढवण्यासाठी विविध उपक्रम राबवले जातात.
प्रदर्शनाच्या सुरुवातीला इयत्ता दहावीतील विद्यार्थिनी नाजीया रमजान खाटीक हिने रामानुजन यांच्या जीवनकार्यावर, शैक्षणिक योगदानावर तसेच त्यांच्या गणितीय विक्रमांवर माहितीपूर्ण भाषण केले. त्यानंतर इयत्ता पाचवी ते दहावीतील विद्यार्थ्यांनी गणितातील विविध संकल्पना व नियमांवर आधारित २२ नाविन्यपूर्ण मॉडेल्स सादर केली, ज्यांनी विद्यार्थी व शिक्षकांचे लक्ष वेधून घेतले.
विद्यार्थ्यांना दोन गटांत विभागण्यात आले होते.
पहिला गट : इयत्ता पाचवी ते सातवी
दुसरा गट : इयत्ता आठवी ते दहावी
पहिल्या गटात अल्फिया अनीस खान (इयत्ता सातवी) हिने प्रथम क्रमांक, तर जीया झुबैर खाटीक (इयत्ता सहावी) हिने द्वितीय क्रमांक पटकावला. दुसऱ्या गटात शिफा असलम पठाण हिने प्रथम क्रमांक, तर सायमा रईस पटेल हिने द्वितीय क्रमांक मिळवला.
या प्रदर्शनाचे परीक्षण आरिफ मोहम्मद खान, जव्वाद अंजुम अजरुद्दीन आणि फिरोज खान फत्ते खान पठान यांनी केले. गणित समितीचे प्रमुख रोशन शेख जाफर होते, तर समितीचे सदस्य शेख अमीर हमीद व आबिद हुसैन फकीर मोहम्मद यांनी विशेष परिश्रम घेतले. कार्यक्रम यशस्वी करण्यासाठी मजहर खान, बिस्मिल्लाह खान, सादिक मुस्तफा बागबान तसेच इतर शिक्षक व कर्मचारी यांनी उत्तम सहकार्य केले. लिपिक आकिब सर, मुश्ताक भाई, युसुफ भाई व शब्बीर भाई यांनीही मोलाची मदत केली.
प्रदर्शनाच्या समारोपप्रसंगी इक़रा एज्युकेशन सोसायटीचे अध्यक्ष डॉ. अब्दुल करीम सालार तसेच अन्य पदाधिकाऱ्यांनी विद्यार्थ्यांच्या सर्जनशील उपक्रमांचे कौतुक केले व गणित विषयातील अधिक अभ्यास, संशोधन व सरावासाठी विद्यार्थ्यांना प्रोत्साहन दिले. अशा प्रकारचे उपक्रम केवळ शैक्षणिक दर्जा उंचावत नाहीत, तर विद्यार्थ्यांमध्ये वैज्ञानिक व तार्किक विचारसरणी विकसित करतात, जीच राष्ट्रीय गणित दिनाच्या उद्देशाशी सुसंगत आहे